پارێزگاری هەولێر: ئامادەی هەموو هاوکاریی و یارمەتیەکىن بۆ سلێمانى

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئومێد خۆشناو، پارێزگارى هەولێر ڕایگەیاند، ئامادەین بۆ پێشکەشکردنی هاوکاری و بەهاناوەچوونی زیانلێکەوتووانی تەقینەوەکەی سلێمانی.

ئەمشەو پێنجشەممە 2022.11.17، ئومێد خۆشناو، پارێزگارى هەولێر لە پەیوەندییەکی تەلەفۆنیدا لەگەڵ هەڤاڵ ئەبوبەکر، پارێزگارى سلێمانى، پرسە و سەرەخۆشی و ھاوخەمی خۆی بۆ بنەماڵە و کەسوکاری قوربانییانى ڕووداوە نەخوازراوەکەى ئێوارەى ئەمڕۆ شارى سلێمانى دەربڕى کە بەهۆى  تەقینەوەی غاز ڕوویدا.

هاوکات، ھیوای چاکبوونەوەی خێرای بۆ برینداران خواست، ئامادەیی ھەرچی پێویستى و هاوکاریی تیمەکانی تەندروستى و فریاکەوتن و بەرگریی شارستانی هەولێریشى نیشاندا بۆ بەھاناوەچوونى زیانلێکەوتووان.