پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەنجوومەنی وەزیرانی عێراق، لەمیانەی كۆبونەوەیەكدا، تاووتوێی چەند دۆسییەیەكی تایبەت بە ژیانی هاووڵاتییان و پرسە خزمەتگوزارییەكانی كرد.
رۆژی سێشەممە 15_11_2022 ئەنجوومەنی وەزیرانی عێراق، بە سەرۆكایەتی محەمەد شیاع سودانی سەرۆكوەزیران كۆبووەوە، تێیدا پڕۆژە یاسای خزمەتی ئاڵا (خزمەتی زۆرەملێی سەربازی) ی لە پەرلەمانی عێراق كشاندەوە.
لە كۆبوونەوەكە راگەیەندرا، ئەنجوومەنی وەزیرانی عێراق، گرێبەست لەگەڵ كۆمپانییایەكی وردبینی دارایی دەكات.
وێڕای ئەوەش لە كۆبوونەوەی ئەنجوومەنی وەزیرانی عێراق، چەند بڕیارێكی دیكە دەركران، كە بریتین لە:
یەكەم_ كشاندنەوەی پڕۆژە یاسای زێدەڕۆیی خانووبەرە.
دووەم_ كشاندنەوەی پڕۆژە یاسای ئەنجوومەنی ئاوەدانكردنەوە.
سێیەم_ كشاندنەوەی لیستی ناوی باڵیۆزانی عێراق.
چوارەم_ دەسەڵاتدان بە سەرۆكوەزیران بۆ كشاندنەوەی پڕۆژە یاساكانی ناو ئەنجوومەنی نوێنەران.
پێنجەم_ كشاندنەوەی یاسای چاكسازی كۆمپانیاكان.
شەشەم_ كشاندنەوەی یاسای خزمەتی ئاڵا (خزمەتی سەربازی زۆرەملێ).
حەوتەم_ كشاندنەوەی پڕۆژە یاسای كۆمپانیای نەوتی نیشتمانی.
هەشتەم_ كشاندنەوەی یاسای خزمەتی مەدەنی.
نۆیەم_ كشاندنەوەی پڕۆژە یاسای رێگاوبانی گشتی ژمارە 32 ساڵی 2022.