ئەم میوە و سەوزەواتانە باشترە بە توێکڵەوە بخورێن

پۆڵەتیک پرێس

پسپۆڕان بەردەوام ڕێنمایی دەدەن دەربارەی ئەوەی میوە و سەزەواتەکان باشترە بە توێکڵەکانیانەوە بخورێن بۆئەوەی سوودێکی زیاتر بەجەستە بگەیەنن.

بەپێی ڕێکخراوی تەندروستی جیهانی پێویستە ڕۆژانە 400 گرام لە میوە و سەوزەواتەکان بخورێن، چونکە سوودێکی زۆریان بۆ تەندروستی هەیە، بەپێی ماڵپەڕی”میدیکال ئێکسپرێس” میوە و سەوزەواتەکانی وەک، سێو، چەوەندەر، گێزەر، پەتاتەی شیرین، توور، زەنجەبیل و پەتاتە باشترە بەتوێکڵەوە بخورێن.

خواردنی ئەو میوە و سەزەواتانە بەتوێکڵەوە سوودێکی زیاتر بەجەستە دەگەیەنن، چونکە ماددەکانی فلاڤۆنۆید و بۆلیڤینۆلیان تێدایە کە تایبەتمەندی دژەئۆکسان و میکرۆبیان هەیە، بەڵام دەبێت لەڕێگەی شتنەوەی باش و کوڵانەوە توێکڵەکانیان بەتەواوی پاکبکرێتەوە چونکە ڕێژەیەکی زۆر بەکتریا لەسەریان دەنیشێت.