پۆلیسی هەولێر لەبارەی كوژرانی كوڕێك بە دەستی باوكی روونكردنەوە دەدات

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەڕێوەبەرایەتی پۆلیسی هەولێر رایگەیاند، ئێوارەی رۆژی یەك شەممە، كوڕێك لەلایەن باوكیەوە كوژراوە و هۆكاری رووداوەكەش بۆ كێشەیەكی خێزانی دەگەڕێتەوە.

لە روونكردنەوەكەی بەڕێوەبەرایەتی پۆلیسی هەولێردا هاتووە، ئەمڕۆ كاتژمێر5:30 خولەكی ئێوارە، بەڕێوەبەرایەتی پۆلیسی پارێزگای هەولێر ئاگاداركرانەوە بەبوونی ڕووداوێكی كوشتن لە گەڕەكی زاگروس، دەستبەجێ تیمێك لە بەڕێوەبەرایەتی پۆلیسی پارێزگای هەولێر بەمەبەستی لێكۆڵینەوە گەشتنە شوێنی ڕووداو و دەستیان بەلێكۆڵینەوە كرد.

ئەوەشهاتووە، لە لێكۆڵینەوەكان دەركەوت كەوا كەسێك بەناوی (هەڵكەوت. ك. ب.)، تەمەن 31 ساڵ، كوژراوە، دوای بەدواداچوون و كۆكردنەوەی زانیاری دەركەوت كەوا ناوبراو لەلایەن باوكیەوە بەناوی (ك. ب)، تەمەن 55 ساڵ، لەسەر كێشەیەكی خێزانی كوژراوە.

هێما بۆ ئەوەشكراوە ، بۆ ئەم مەبەستە پەڕاوی لیكۆڵینەوە بۆ ئەم ڕووداوە كراوەتەوە بۆ ئەوەی ڕێڕەوی یاسایی بگیرێتە بەر.

ئاماژە بەوەشكراوە دوای چەند كاتژمێرێك لە رووداوەكە تۆمەتباری رووداوەكە خۆی رادەستی هێزەكانی پۆلیس كرد.