پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرباری ئەوەی هاوپەیمانن، محەمەد حەلبوسی سەرۆكی پەرلەمانی عێراق و سەركردەی دیاری سوونەكان و حاكم زاملی جێگری یەكەمی سەرۆكی پەرلەمان و كەسایەتی دیاری رەوتی سەدر، دەستیان بە شەڕی دەركردنی نوسراو لەدژی یەكتركردووە و ئەمەش بە هەنگاوێك ئەژماردەكرێت لە ئەگەری نزیكبوونەوەی هەڵوەشانەوەی هاوپەیمانی سێقۆڵی.
محەمەد حەلبوسی، پێی وایە بەكارهێنانی دەستەواژەی “دەستەی سەرۆكایەتی” نادەستورییەو دەبێت لە نوسراوە فەرمییەكاندا لاببرێت و لە بری ئەوە دەستەواژەی “سەرۆك و جێگرەكانی” بەكاربهێنرێت.
لەبەرامبەردا حاكم زاملی جێگری یەكەمی سەرۆكی پەرلەمان كە سەربە رەوتی سەدرە، نوسراو ئاڕاستەی پەرلەمانتاران دەكات و دەڵێ قسەكانی حەلبوسی راست نین و “دەستەی سەرۆكایەتی” دستەواژەیەكی دەستورییە.
سەرۆكایەتی پەرلەمانی عێراق بەدەست هاوپەیمانێتی سێقۆڵی (سەدر+ بارزانی+ حەلبوسی)یەوەیە، ئەم ناكۆكییە ئاماژەیەكی بەراییە بۆ ئەگەری لێكهەڵوەشانەوەی هاوپەیمانییە سێقۆڵییەكە، بەتایبەتیش لەكاتێكدا لەوادەی دەستوریدا ئەم هاوپەیمانێتییە نەیتوانی پۆستی سەرۆك كۆمارو پرۆسەی پێكهێنانی حكومەتی نوێ تێپەڕێنێت.