تایبەتمەندیەکانی تابێکی نوێی لینۆڤۆ

پۆڵەتیک پرێس

کۆمپانیای لینۆڤۆ تایبەتمەندیەکانی ئامێرە نوێیەکەی لینۆڤۆ تاب پی12 پڕۆ دەخاتەڕوو.

لینۆڤۆ تاب پی12 پڕۆ کێشەکەی 565 گرامە، ئەستوریەکەی 5.6 ملیمە، شاشەکەی لەجۆری ئەمۆلیدە بەقەبارەی 12.6 ئینج و دیقەی پیشاندانی1600/2560 پێکسڵ و شەپۆلی 120 هێرتز، تێکڕای ڕووناکیەکەی 600 مۆمە.

چارەسەرکەری کوالکۆم سناپ دراگۆن870 فایف جی و چارەسەرکەری وێنەی ئەدرینۆ650 ی تێدابەکارهاتووە، ڕامەکەی دوو جۆرە شەش یان هەشت گێگابایتە، میمۆریەکەی دوو جۆرە 128 یان 256 گێگابایتە، لە بەشی پشتەوە دوو کامێرای بەدیقەی(5+13) مێگاپێکسڵ هەیە، کامێرا سێڵفیەکەی دوو هاوێنەی بەدیقەی(8+8) مێگاپێکسڵ هەیە، بەسیستمی ئەندرۆید11 کاردەکات، خێرای پاتریەکەی 10200 میلی ئەمپێرە.