ژمارەیەك چەكداری داعش دەستگیركران كە بەنیازبوون هێرش بكەنە سەر گرتوخانەی كەركوك

پۆڵەتیك پرێس

وەزارەتی بەرگری عێراق دەستگیركردنی چوار چەكداری داعشی راگەیاند كە بەنیازبوون هەڵبكوتنە سەر گرتوخانەی كەركوك.

وەزارەتەكە رایگەیاندووە، بە پشتبەستن بە زانیاریی ورد، تیمەكانی هەواڵگری و ئاسایشی كەركوك ئەو گروپە چوار كەسییەیان دەستگیركردووە.

ئاماژەی بەوەشكردووە، ئەو كەسانە دانیان بەوەداناوە بەنیازی ئەوە بوون هێرش بكەنە سەر گرتوخانەكە بۆیە زانیارییان لەبارەی ژمارەی تاوەرو پاسەوانی باڵەخانەكە كۆكردووەتەوە.

وەزارەتی بەرگری عێراق باس لەوەدەكات، یەكێك لەو چوار كەسەی دەستگیریان كردووە دانی بەوەدا ناوە بەشداریی لە كردەوەیەكی تیرۆریستی كردووە، كە هێزە ئەمنییەكان و هێزەكانی پێشمەرگەی كردووەتە ئامانج.

پەخشی راستەوخۆی رادیۆ پۆلەتیک