پۆڵەتیک پرێس_
مستەفا کازمی سەرۆک وەزیرانی عێراق سەردانی سعودیە دەکات و بڕیاریشە ژمارەیەک رێککەوتن لە نێوان هەردوو وڵاتدا واژۆ بکرێن.
قەحتان جەنابی باڵیۆزی عێراق لە سعودیە بەمیدیا عێراقیەکانی ڕاگەیاند، “بەمنزیکانە مستەفا کازمی سەرۆک وەزیرانی عێراق سەردانی سعودیە دەکات و لەگەڵ وەزارەتی دەرەوەی سعودیە لەسەر هێڵن بۆ دیاریکردنی وادەی سەردانەکە”.
وتیشی، “سەردانەکە گرنگی زۆری هەیە و بڕیارە ژمارەیەک رێککەوتن لەنێوان هەردوو وڵاتدا لە بوارەکانی ئابووری و وزە و گرێبەستی وەبەرهێنان واژۆ بکرێن”.
بەپێی زانیاریی میدیا عێراقیەکان، سعودیە دەیەوێت لە رێگەی پێدانی کارەبا و ژمارەیەک پرۆژەی دیکەوە بەشداربێت لە ئاوەدانکردنەوەی عێراق و پەیوەندییەکانی لەگەڵ ئەو وڵاتەدا پێش بخات.
بڕیاربوو لەمانگی تەمموز رابردوو، مستەفا کازمی پێش سەردانی ئێران و ئەمریکا سەردانی سعودیە بکات، بەڵام رۆژی سەردانەکە باری تەندروستی شا سەلمان پاشای سعودیە تێكچوو و سەردانەکەی دواخست.