پۆڵەتیك پرێس
بڕیارە ڕۆژی سێشەممە ڕێکەوتی 18ی نیسانی 2021، دانیشتنی ژمارە 13ی ئاسایی خولی بەهارەی ساڵی سێیەم لهخولی ههڵبژاردنی پێنجهمی پهرلهمانی كوردستان-عێراق بەڕێوە بچێت و لە دانیشتنەكەدا خوێندنەوەی یەكەم بۆ چەند پرۆژە یاسایەك بكرێت.
شنۆ شەهید ئەشقی، ئەندامی پەرلەمانی كوردستان بە پۆڵەتیك پرێسی راگەیاند، كۆبونەوەكە كاتژمێر 11ی پێشنیوەڕۆ دەبێت، كارنامەی دانیشتنەكەش بۆ گفتوگۆكردن و دەنگدان لەسەر چەند پرۆژەیاسایەكە، یەكێك لە پرۆژەكانیش پڕِۆژەیاسای (وەزارەتی كارەبا لەهەرێمی كوردستان-عێراق)ە.
لە راگەیەندراوێكیشدا سەرۆكایەتی پەرلەمانی كوردستان كارنامەی دانیشتنەكەی خستووەتە ڕوو بەم شێوەیە:
یەكەم: دەنگدان لەسەر پاڵاوتنی بەڕیز (منی یوخنا یاقو) بۆ پۆستی سەرۆكی دەستەی سەربەخۆی مافی مرۆڤ لەهەرێمی كوردستان-عێراق.
دووەم: خوێندنەوەی یەكەم بۆ ئەم پڕۆژەیاسایانەی خوارەوە، پشت بەستن بەحوكمی بڕگەی (یەكەم)ی ماددەی (83) لەپەیڕەوی ناوخۆی پەرلەمانی كوردستان.
1- پڕۆژەیاسای (بەركاركردنی یاسای ڕەسمی پولی عێراقی ژمارە (71)ی ساڵی 2012 لەهەرێمی كوردستان-عێراق).
2- پڕۆژەیاسای (هەمواری یاسای ماف و ئیمتیازاتی كەمئەندام و خاوەن پێداویستیی تایبەت ژمارە (22)ی ساڵی 20211 لەهەرێمی كوردستان-عێراق)
3- پڕۆژەیاسای (بەركاركردن و هەمواری پیادەكردنی یاسای وەبەرهێنانی پیشەسازیی هەردووكەرتی تایبەت و تێكەڵاو، ژمارە (20)ی ساڵی 1998ی هەمواركراو لەهەرێمی كوردستان-عێراق).
4- پرۆژەیاسای (هەمواری دووەمی یاسای یەكێتیی ژوورەكانی بازرگانی و پیشەسازی لەهەرێمی كوردستان-عێراق ژمارە (14)ی ساڵی 1993).
5- پڕۆژەیاسای (هەمواری یەكەمی یاسای وەزارەتی بازرگانی و پیشەسازی لەهەرێمی كوردستان -عێراق ژمارە (10)ی ساڵی 2010).
6- پڕۆژەیاسای (هەمواری پیادەكردنی یاسای بازرگانیی عێراقی ژمارە (30)ی ساڵی 1984 لەهەرێمی كوردستان -عێراق)سێیەم
دهنگدان لهسهر پڕِۆژەیاسای یاسای (وەزارەتی كارەبا لەهەرێمی كوردستان-عێراق)، بهپێی حوكمی ماددهكانی (90، 91، 93، 96، 97) لهپهیڕهوی ناوخۆی پهرلهمانی كوردستان
چوارەم: خستنەڕووی بیرۆكەی بەڕێز پەرلەمانتار (عبدالستار مجید قادر) پەیوەست بە دۆزینەوەی هەلی كار لەڕێگای بەگەرخستنەوەی كارگەكان) بەپێی حوكمی خاڵی (2)ی بڕگەی (یەكەم) لەماددەی (49)ی پەیڕەوی ناوخۆی پەرلەمانی كوردستان-عێراق.