پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
نوێنەری حكومەتی هەرێمی كوردستان لە بەغدا ئاشکرای دەکات، هەفتەی داهاتو شاندی هەرێم سەردانی بەغداد دەکاتەوە و بەدرێژایی هەفتەکە دەمێننەوە، دەشڵێت: رێککەوتنی سەرەتایی لەسەر یاسای نەوت و غاز کراوە.
فارس عیسا، نوێنەری حكومەتی هەرێمی كوردستان رایگەیاند؛ رۆژی دوشهممه 27ـی شوبات، شاندی ههرێمی كوردستان سهردانی بهغدا دهكهن و تا رۆژی پێنجشهممه دهمێننهوه و بهردهوامی به گفتوگۆكانیان دهدهن.
نوێنەری حكومەتی هەرێمی كوردستان ئاماژەى بەوەشکردوە، شاندی حکومەت لەگەڵ وەزارەتی نەوتی عێراق کۆدەبێتهوه و رێککەوتنی سەرەتاییش لەسەر یاسای نەوت و گاز کراوه.
هەروەها نوێنەری حكومەتی هەرێمی كوردستان رونیشیکردەوە کە کۆبونەوەکانی پێشو زۆر ئەرێنی بون و گەیشتون به رێگەچارەیەک.