حکومەتی هەرێم: بەزاندنی سەروەریی خاکی هەرێم بە مووشەکباران بەتووندی سەرکۆنە دەکەین

پۆڵەتیک پرێس:

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

سەرۆکایەتی حکومەتی هەرێمی کوردستان ڕایگەیاند، بەزاندن و پێشێلکردنی چەندبارەی سەروەریی خاکی هەرێمی کوردستان بە مووشەکباران، بە تووندی سەرکۆنە دەکەین.

ئەمڕۆ چوارشەممە سەرۆکایەتی حکومەتی هەرێمی کوردستان لەسەر بۆردومانەکانی ئێران بۆسەر چەند ناوچەیەکی هەرێم هاتە دەنگ و ڕاگەیەندراوێکی بڵاوکردەوە تێیدا ئاماژەی بەوەکرد، بەتوندی ئەو هێرشانە سەرکۆنە دەکەین.

ئەوەشی خستەڕوو، “بۆردومانکردنی بنکەکانی ئۆپۆزیسیۆن بە مووشەک لە لایەن کۆماری ئیسلامیی ئێرانەوە، بە هەر پاساوێک، هەڵوێستێکی ناڕاست و  بەلاڕێدابردنی رەوتی رووداوەکانە و جێگای سەرسوڕمانە”.

باسی لەوەش کرد، “ئەم جۆرە هێرشانە، کە بەردەوام دەکرێنە سەر خاکمان و بەو  هۆیەوە، خەڵکی سڤیلیش دەبنە قوربانی، شەرمەزار دەکەین و پێویستە کۆتایی بەم دەستدرێژیانە بهێنرێت”.