پۆڵەتیك پرێس: لاڤە واحید
ناوچەیەك لە ڕۆژهەڵاتی رووباری فورات لەسوریا، كە لە ژێر دەسەڵاتی هێزەكانی سوریای دیموكراتدایەو زۆربەی ناوچەكانی رۆژئاوای كوردستان دەگرێتەوە، بە پلانی ئەمەریكا و پشتیوانی وڵاتانی عەرەبی وەك هەرێمێك رادەگەیەنرێت.
بەپێی سەرچاوە هەواڵییەكان، ئەمریكا ماوەیەكە بە هەماهەنگی لەگەڵ هۆزە عەرەبەكان و نوێنەرانی حیزبە كوردییەكانی سوریا و هێزە مەسیحییەكان، كار بۆ راگەیاندنی هەرێمی جەزیرە لەرۆژهەڵاتی فوڕاتدا دەكات.
هەر بەپێی سەرچاوەكان، بەرپرسانی ئەمریكا چاویان بەشێخی هۆزە عەرەبەكان كەوتووە، كە لەناوچەكەدا هەن‌و نیشتەجێن، لەم دواییانەشدا نوێنەرانی حیزبە كوردییەكانی سوریا و مەسیحییەكان بەمەبەستی راگەیاندنی هەرێمی جەزیرە لەڕۆژهەڵاتی فوڕات لەگەڵیان ڕێككەوتن، كە هەموو پێكهاتەكانی ناوچەكە تێیدا بەشدار
بن.
سەرچاوەكان ئاشكرایانكردووە، تەواوی پێكهاتەكانی ناوچەكە لەڕۆژهەڵاتی فورات، بەپشتیوانی ئەمەریكا و وڵاتانی عەرەبی وەك سعودییە و میسرو ئیمارات بۆ لەمەودوا هەرێمەكانی خۆیان بەڕێوەدەبەن.
سەرچاوەكان باسیان لەوەش كردووە، ئەمریكا بەخێرایی كار بۆ بەدیهێنانی یەكڕیزی كورد لەناو ئەنجوومەنی نیشتمانی كورد و پارتەكانی یەكێتی نەتەوەیی كورد دەكات بۆ ئەوەی بەشێك بن لە بەڕێوەبردنی ئەو هەرێمە .
ڕوسیا دەچێتە هێڵی ڕۆژهەڵاتی فوراتەوە
سەرچاوەكان ئاماژەیان بەوەش كردووە، لەبەرانبەر ئەو هەوڵەدا ڕوسیا چووەتە ناو هێڵەكەوە و بانگهێشتی هێزەكانی سوریای دیموكراتی كردووە بۆ ئەوەی سەردانی مۆسكۆ بكەن بەمەبەستی راكێشانی ئەو لایەنە بەلای خۆیاندا.
لەم دواییانەدا، بەرپرسانی روسیا چاویان بە مەزڵوم عەبدی سەرۆكی هێزەكانی سوریای دیموكرات و نوری مەحمود وتەبێژی ڕاگەیاندنی یەكەی كوردی لەفڕۆكەخانەی قامیشلو كەوتووەو بەمەبەستی ئەنجامدانی كۆبوونەوەیەكی فەرمی بانگهێشتی مۆسكۆیان كردن.
باس لەوەشكراوە، هەسەدە ناچارە لەگەڵ ڕوسیا بڕوات و بچێتە مۆسكۆ بۆ ئەوەی لەوێ گفتوگۆ لەو بارەوە بكەن، بەڵام هەسەدە پێگەی خۆی دیاریكردووە و بڕیارە ببێتە بەشێك لە پڕۆژەیەكی ئەمریكادا.
قەیوان گروپ
مایۆرکا سیتی جوانییەک لە دڵی سروشتدا
