پاتۆ ڕوو له‌ خولی عێراقی ده‌كات

پۆله‌تیك سپۆرت

ئه‌مرۆ سه‌رچاوه‌ رۆژنامه‌وانییه‌كانی عێراق باسی ئه‌وه‌ ده‌كه‌ن یانه‌ی دیوانیه‌ كه‌ ئه‌مساڵ له‌ ریزی خولی یانه‌ نایابی عێراقی یاریی ده‌كات، ده‌ستیانكردووه‌ به‌ گواستنه‌وه‌ی یاریزانی به‌رازیلی ئه‌لیكسانده‌ر پاتۆ.
حسێن عه‌نكوش سه‌رۆكی یانه‌كه‌ پێشتر وتبووی یاریزانێكی گه‌وره‌ی جیهانی ده‌گوازنه‌وه‌، به‌ڵام ئه‌مرۆ رایگه‌یاند یاریزانی به‌رازیلی و پێشووی یانه‌ی ئه‌یسی میلان پاتۆیان گواستۆته‌وه‌ بۆ یانه‌كه‌یان.

هه‌روه‌ها ئه‌و سه‌رۆكه‌ باسی مه‌رجه‌كانی پاتۆ ده‌كات و ده‌ڵێت:
” یاریزانەکە داوای مەلەوانگەیەکی تایبەت و خانوویەکی گەورە و پارەیەکی زۆر و پاراستنی سەلامەتی خانەوادەکەی کردووە، تا رازیبێت بە گرێبەستی یانەکەمان و یارییکردن لە خولی عێراقی”.