“تاڵەبانی پێی وتم من شونیم”

پۆڵەتیك پرێس:
“جەلال تاڵەبانی سەرۆك كۆماری پێشووتری عێراق ئامانجی بووە لێكنزیكی نێوان سوننەو شیعەكان بەدیبهێنێت”.

ئەوە قسەی عزەتوڵـڵا زەرغامی، سەرۆكی پێشووی دەستەی رادیۆو تەلەفزیۆنی ئێران و كاندیدی هەڵبژاردنی سەرۆكایەتی داهاتووی ئەو وڵاتەو دەشڵێت: تاڵەبانی كاتی خۆی پێیوتووم، “من شونیم” ئەو دەستەواژەیەی وەك كورتكراوەی شیعەو سوننە بەكارهێناوە و ئامانجی بەدیهێنانی لێكنزیكی نێوان سوننە و شیعەكان بووە.

زەرخامی باسی لەوەش كرد، مام جەلال تەنانەت دوای بوونیشی بەسەرۆك كۆمار لەخۆی نەگۆڕا، بەڵكو لە جاران بێفیزتر بوو، ئەمەش وانەیەكی گرنگە و پێویستە بەرپرسە ئێرانییەكان لێوەی فێربن.

جەلال تاڵەبانی دامەزرێنەر و سكرتێری گشتی یەكێتی نیشتمانی كوردستان و شەشەم سەرۆك كۆماری عێراق بوو، كە یەكەم كورد بوو ببێتە خاوەنی ئەو پۆستە باڵایەی عێراق، لە رۆژی 3ی تشرینی یەكەمی 2017 لە ئەڵمانیا كۆچی دوایی كرد.