جێنیفەر لۆرێنس هێرشی توند دەکاتە سەر ترەمپ

پۆڵەتیک پرێس

جێنیفەر لۆرێنس ئەستێرەی دیاری هۆڵیود رایگەیاند، وەک لایەنگرێکی حزبی کۆماری گەورە بووە بەڵام لەدوای ئەوەی دۆناڵد ترەمپ بووەتە سەرۆکی ئەمریکا رای سیاسی گۆڕاوە.

جێنیفەر لۆرێنس بە رادیۆی ” Absolutely Not”ی راگەیاند، لە هەڵبژاردنی سەرۆکایەتی داهاتووی ئەمریکا دەنگ دەدات بە جۆ بایدن کاندیدی حزبی دیموکراتی و کامالا هاریسی جێگری و دەشڵێت: ترەمپ بەردەوام دەبێت لەوەی خۆی و بەرژەوەندییەکانی پێش ئاشتی و خۆشگوزەرانی ئەمریکا بخات.

ئاماژەی بەوەشکرد، دۆناڵد ترەمپ نوێنەرایەتی بەهای من ناکات وەک ئەمریکییەک لەوەش گرنگتر وەک مرۆڤێک.

جێنیفەر لۆرێنس یەکێکە لە ئەستێرە دیارەکانی سینەمای هۆڵیود و لە چەندین فیلمدا رۆڵی سەرەکی گێڕاوە، هاوکات، خاوەنی چەندین خەڵاتی جیهانییە لەوانە: خەڵاتی ئۆسکار بۆ باشترین ژنە ئەکتەری ساڵی ٢٠١٣ لە رۆڵگێڕانی لە فیلمی Silver Linings Playbook.