پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سبەی دووشەممە، بڕیارە شاندێکی لیژنەی ئاسایش و بەرگری پەرلەمانی عێراق بەمەبەستی لێکۆڵینەوە لە ڕووداوی هێرشی سەر فڕۆکەخانەی نێودەوڵەتی سلێمانی سەردانی سلێمانی بکەن.
ئەمڕۆ یەکشەممە 9ی نیسان، سەگڤان یوسف، جێگری سەرۆکی لیژنەی ئاسایش و بەرگری پەرلەمانی عێراق ڕایگەیاند، لەسەر داوای موحسین مەندەلاوی، جێگری یەکەمی سەرۆکی پەرلەمان، سبەی لیژنەیەکی لێکۆڵینەوە سەردانی شاری سلێمانی دەکەن.
ئاماژەی بەوەکرد، لیژنەکە لەگەڵ بەرپرسانی ئەمنی و ئیداری شاری سلێمانی کۆدەبێتەوە بەمەبەستی بەدواداچوونی ڕووداوەکە و لێکۆڵینەوە لە ڕووداوەکە دەکات.
ڕوونیکردەوە، دوای لێکۆڵینەوە لە ڕووداوەکەی فڕۆکەخانەی نێودەوڵەتی سلێمانی لیژنەکە ڕاپۆرتێک دەربارەی ڕووداوەکە پێشکەش بە سەرۆکایەتی پەرلەمانی عێراق دەکات.
لەکاتێکدا، دوێنی شاندێکی باڵای سەربازی و ئەمنی عێراق بۆ لێکۆڵینەوە لە ڕووداوەکە گەیشتنە شاری سلێمانی.