پەرلەمانى ئەڵمانیا کۆمەڵکوژی ئێزدییەکانی بە جینۆساید ناساند

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress 

پەرلەمانى ئەڵمانیا بەزۆرینەى دەنگ کۆمەڵکوژی ئێزیدییەکانی بەجینۆساید ناساندو بووە ١٢ هەمین وڵات کە ئەو کۆمەڵکوژیەى بە جینۆساید ناساندبێت.

ئەمرۆ پێنج شەممە پەرلەمانى ئەڵمانیا دوای گفتوگۆ و هەڵسەنگاندنی کۆمەڵکوژی ئێزیدیەکان لەلایەن تیرۆرستانی داعشەوە بەزۆرینەى دەنگی پەرلەمانی ئەو وڵاتە بە جینۆساید ناساند.

ژمارەیەک کەسایەتى ئێزدی و رزگاربووی دەستى داعش لە پەرلەمانى ئەڵمانیا ئامادە بوون و خۆشحاڵی خۆیان دەربڕی بەو بریارە و داوایان کرد لە وڵاتانى دیکە ئەوروپا کۆمەڵکوژی ئێزدییەکان بە جینۆ ساید بناسێنێت.

بە جینۆسایدناساندنى کۆمەڵکوژی ئێزدییەکان ژمارەى ئەو وڵاتانەى ئەو بڕیارەیانداوە گەیشتووەتە ١٢ وڵات و لەئێستاشدا ژمارەیەک وڵاتی دیکە لە پلانیاندایە ئەو کۆمەڵکوژییە بە جینۆساید بناسێنن.

لە ٣ی ئابی ساڵی ٢٠١٤ تیرۆرستانى داعش هێرشیان کردە سەر شنگال و دەوروبەری و بەهۆیەوە نزیکەى پێنج هەزار کەس بوونە قوربانى و زیاتر لە شەش هەزار کچ و ژن و منداڵیش ڕفێنران، تائێستا لەو ژمارەیە سێ هەزارو ٥٦٠ کەس ئازاد کراون.