پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
دوو پۆستی دیكەی وزاری لە حكومەتی عێراق بۆ كورد یەكلابوونەوە، بەوەش لە كابینەكەی محەمەد شیاع سودانی كورد چوار وەزارەتی بەركەوتووە.
بەگوێرەی زانیارییە میدیاییەكان، یەكێتی نیشتمانی كوردستان و پارتی دیموكراتی كوردستان لەسەر هەردوو پۆستی وەزارەتی ژینگە و ئاوەدانكردنەوە رێككەوتن، وەزارەتی ژینگە بۆ یەكێتی نیشتمانی كوردستان و وەزارەتی ئاوەدانكردنەوە بۆ پارتی دیموكراتی كوردستان یەكلابوونەوە.
بڕیارە لە كۆبوونەوەی داهاتووی ئەنجومەنی نوێنەراندا كاندیدانی ئەو دوو وەزارەتە بێنە ئەنجومەنەكە و متمانە وەربگرن، بەوەش لە كابینەی سودانیدا، كورد چوار وەزارەت، شیعە 12 وەزارەت و سونە شەش وەزارەتیان هەیە.
هەروەها پۆستی راوێژكاری سەرۆكوەزیرانی عێراق بۆ كاروباری ئێزدییەكان درا بە پارتی.