پۆڵەتیك پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەروین خورشید رەشید تەمەن (26 ساڵ)، ئەمڕۆ چوارشەممە لە شەقامێكی سەرەكی شاری كۆیە درایە بەر دەستڕێژی گولـلە و بە 17 فیشەك كوژرا، تا ئێستا تەرمەكەی لە پزیشكی داد وەرنەگیراوەتەوە و پێشتر ئەو ژنە لە عەنكاوە سكاڵای لەسەر كەسێك تۆمار كردووە.
بەڕێوەبەری پۆلیسی كۆیە ڕایگەیاند، ئەو ژنەی ئەمڕۆ لە كۆیە كوژرا دانیشتوی شاری هەولێرە و تۆمەتباری سەرەكی ڕووداوەكەش دەستگیرنەكراوە.
لە روونكردنەوەیەكەدا عەلی عەبدوڵا عومەر، بەرێوەبەری پۆلیسی كۆیە ڕایگەیاند: سەرلەبەیانی ئەمڕۆ نزیك مزگەوتی مەلای گەورە ژنێك كە دانیشتوی شاری هەولێرە دەستڕێژی گوللەی لێدەكرێت بەهۆیەوە گیانی لەدەستدا .
بەڕێوەبەری پۆلیسی كۆیە وتی: ئەو ژنە دانیشتووی كۆیە نیە و بۆ ئیش و كاری دادگا هاتۆتە كۆیە، كاتێك لەئۆتۆمبیل دادەبەزێت راستەوخۆ لەلایەن كەسێكەوە دەدرێتە بەر دەستڕێژی گولـلەو بكوژەكە هەڵاتووە و تا ئێستا دەستگیرنەكراوە.
روونیشیكردەوە، لەسەر فەرمانی دادوەری لێكۆڵینەوەی كۆیە شۆفێری ئەو تەكسیەی ژنەكەی هێناوە بۆ كۆیە دەستگیركراوە، لێكۆڵینەوە بەردەوامە لەهەوڵدان بۆ دەستگیر كردنی تۆمەتباری هەڵاتوو.