وەن پڵەس مۆبایلێکی نوێ دروست دەکات

پۆڵەتیک پرێس

یەکێک لە بەناوبانگترین مۆبایلەکانی ئەندرۆید کە لەمساڵدا دروست دەکرێت مۆبایلی وەن پڵەس نۆرد تو سی ئیە بە تایبەتمەندی پێشکەوتوو و نرخێکی گونجاو دروست دەکرێت.

مۆبایلی وەن پڵەس نۆرد تو سی ئی بەشێوەیەک دروستکراوە بەرگەی ئاو و پیسی دەگرێت دووریەکەی(160.2/73.2/7.5) ملیمە، شاشەکەی لەجۆری ئەمۆلیدە بەقەبارەی 6.43 ئینج و دیقەی پیشاندانی2400/1080 پێکسڵ و شەپۆلی 90 هێرتز، تیکڕای ڕووناکیەکەی 409 مۆمە.

چارەسەرکەری میدیا تەک ئێم تی6877 دایمێنسیتی900 فایف جی و چارەسەرکەری وێنەی مالی جی68 ئێم سی فۆڕی تێدابەکارهاتووە، مۆبایلەکە سێ کامێرای سەرەکی بەدیقەی(2+8+64) مێگاپێکسڵ هەیە، دیقەی کامێرا سێڵفیەکەی 16 مێگاپێکسڵە، ڕامەکەی دوو جۆرە هەشت یان 12 گێگابایتە، میمۆریەکەی دوو جۆرە 128 یان 256 گێگابایتە.

بەسیستمی ئەندرۆید12 کاردەکات، لەمسە و شوێنی دوو سیمی هەیە، دەرچەی بیستۆکەکەی 3.5 ملیمە، خێرای پاتریەکەی 4500 میلی ئەمپێرە.