پۆڵەتیك پرێس
نوێنەری ھەردوو وەزارەتی پێشمەرگە و ناوخۆ لە فەرماندەیی ئۆپەراسیۆنی ھاوبەشی عێراق رایدەگەیەنێت ” ھەرێم و بەغدا لەسەر ئەنجامدانی ئۆپەراسیۆنی هاوبەش رێککەوتوون”.
لیوا عەبدولخالق تەڵعەت، نوێنەری ھەردوو وەزارەتی پێشمەرگە و ناوخۆ لە فەرماندەیی ئۆپەراسیۆنی ھاوبەشی عێراق بە پۆڵەتیك پرێس-ی راگەیاند: “لەھەر شوێنێک پێویست بێت، ئۆپەراسیۆنی ھاوبەش لە نێوان پێشمەرگە و سوپای عێراق ئەنجام دەدرێت”.
بەوتەی نوێنەرەكەی هەردوو وەزارەتی ناوخۆ و پێشمەرگە، ئەنجامدانی ئۆپەراسیۆنی هاوبەش لە چوارچێوەی رێککەوتنێکی نێوان ھەرێم و بەغدایە، کە وەزارەتی پێشمەرگە و وەزارەتی بەرگریی عێراقی لە دوایین کۆبوونەوەی خۆیاندا ئەنجامیان داوە و لەئێستادا دەست بە جێبەجێکردنی رێککەوتنەکە کراوە.
ئەمە لەكاتێكدایە، لەچوارچێوەی ئەو رێككەوتنەی نێوان وەزارەتی پێشمەرگە و بەرگری عێراق دوێنێ یەكەم ئۆپەراسیۆنی هاوبەش لەسنوری كفری و خورماتوو ئەنجامدراو زەبرێكی كوشندە بە داعش گەیەنرا.