پۆڵەتیک پرێس:
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
فەرماندەیی هێزەكانی كۆماندۆی کوردستان شەهیدبوونی پێشمەرگەیەکیان لەکاتی مەشق و راهێنان بە جەڵدەی دڵ راگەیاند.
راگەیاندنی فەرماندەیی هێزەکانی کۆماندۆی کوردستان ئاشکرایکرد، “ئەمڕۆ یەکشەممە ٤ی شوباتی ٢٠٢٤ بەداخ و ئەسەفێكی زۆرەوە شەهیدبوونی پێشمەرگەیەكی گەنجی خوێن گەرممان بەناوی (ساڵح فاروق ساڵح حەمە امین) ڕادەگەیەنین، كە لەكاتی مەشق و ڕاهێنانەكان، بەداخەوە بەهۆی جەڵتەی دڵەوە ڕۆحی پیرۆزی بەخشیە خاك و نیشتیمان”.
فەرماندەیی هێزەکانی کۆماندۆی کوردستان پرسە و سەرەخۆشی خۆی ئاراستەی “خانەوادە و كەسوكاری سەربەرزی شەهید و هاوڕێ و هاوسەنگەرانی دەكەین و لە خوای گەورە داواكارین، كە كاكە (صالح) بە بەهەشتی نەبڕاوەی خۆی شاد بكات و سەبووری بە ئێمە و هەموو لایەك بدات”.
پەیامێکی بۆ هاوڵاتییان و خەڵکی کوردستانیش دەنێرێت و دەڵێت، ” جارێکی دیکە كۆمەڵانی خەڵكی كوردستان دڵنیادەكەینەوە، كە كاروانی شەهیدان لە فەرماندەیی هێزەكانی كۆماندۆ بەردەوام دەبێت و ڕشتنی خوێنی یەك بەیەكی “كوڕانی كۆماندۆ” لە پێناو خاكی پیرۆزی كوردستان شەرەفێكە هەموومان شانازی پێوە دەكەین، ئەمە ڕێبازێكە هەموومان لەشەهیدی فەرماندە “ئاكام عومەر “ەوە بۆمان ماوەتەوە”.