پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەڕێوەبەرایەتی کەشناسی و بوومەلەرزەزانی هەرێمی کوردستان، کەشی پێشبینیکراوی48 کاتژمێری داهاتووی بڵاوکردەوە.
ئەمڕۆ چوارشەممە 13ی کانونی یەکەم، ئاسمان هەوری تەواو دەبێت باران لەسەرجەم ناوچەکان دەبارێت، کاریگەری ئەم شەپۆلە کە ڕووی لە ناوچەکەمان کردووە ئەمرۆ لەسەر بەشەکانی رۆژئاوای هەرێم تا کاتەکانی دوای نیوەرۆ بەشێوەی نمە بارانە لەسەر ناوچە شاخاوییەکان بەشێوەی بارانی مامناوەند دەبێت، بەڵام لە دوای نیوەرۆ کاریگەری ئەم شەپۆلە درێژ دەبێتەوە بۆ سەر بەشەکانی رۆژهەڵاتی هەرێم و سنووری پارێزگای هەولێر و سەنتەری پارێزگا و بەشی رۆژهەڵاتی ئەم پارێزگایە بارانی مامناوەندی دەبێت، ئیدارەی راپەرین و سنووری پارێزگای سلێمانی ئاستی دابارینی مامناوەند دەبێت، هەروەها بەفر لەسەر لوتکەی ناوچە شاخاوییە سنووریەکان دەبارێت، کاریگەری ئەم شەپۆڵە لەدرەنگانی شەودا لاواز دەبێت باران بارین لەسەر زۆربەی ناوچەکەمان کۆتایی دێت، پلەکانی گەرما بەراورد بە تۆمارەکانی دوێنێ دوو بۆ چوار پلە نزم دەبنەوە.
سبەی پێنجشەممە14ی کانونی یەکەم، ئاسمان نیمچە هەور دەبێت، بەگشتی نمە باران لەسەر بەشێک لە ناوچە جیاجیاکانی پارێزگای سلێمانی دەمینێتەوە، لەدوای نیوەرۆ ئاسمان دەگۆرێت بۆ پەڵە هەور و ساماڵ، پلەکانی گەرما بەراورد بە تۆمارەکانی ئەمڕۆ کەمێک بەرزدەبنەوە.
بەرزترین پلەکانی گەرمای پێشبینیکراو بە پلەی سیلیزی:
هەولێر : 16پلەى سیلیزى
سلێمانی :15 پلەى سیلیزى
دهۆک : 15پلەى سیلیزى
کەرکوک : 19پلەى سیلیزى
هەڵەبجە : 17پلەى سیلیزى
زاخۆ : 15پلەى سیلیزى
حاجی ئۆمەران: 5پلەى سیلیزى
سۆران : 13پلەى سیلیزى
گەرمیان : 20پلەى سیلیزى
قەیوان گروپ
مایۆرکا سیتی جوانییەک لە دڵی سروشتدا
