پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
کەمێک پێش ئێستا، ئاڵپئارسڵان بایراكتار، وەزیری وزە و سامانە سروشتییەکانی تورکیا لە رێگەی فڕۆکەخانەی نێودەوڵەتیی هەولێر گەیشتە کوردستان و بڕیارە هاوشان لەگەڵ هاکان فیدان، وەزیری ناوخۆی تورکیا، بەژداری کۆبوونەوەکانی نێوان هەرێمی کوردستان و تورکیا بکات لەبارەی پرسی دەستپێکردنەوەی هەناردەی نەوتی هەرێم.
سەردانەكەی وەزیری وزە و سامانە سرووشتییەكانی توركیا لەكاتێكدایە كە شەوی رابردوو، هاكان فیدان، وەزیری دەرەوەی توركیا بە سەردانێكی فەرمی گەیشتە هەولێر و لەلایەن وەزیری ناوخۆی هەرێم و چەند بەرپرسێکی دیکەی حکومی پێشوازی لێ کرا.
بڕیارە ئەمڕۆ هاکان فیدان، وەزیری دەرەوەی توركیا، لەگەڵ بەرپرسانی باڵای هەرێمی كوردستان كۆبێتەوە و گفتوگۆ لە بارەی چەند پرسێكی گرنگ بكەن، دیارترینیان، پرسی ئاسایش و ئابووری نێوان هەرێمی كوردستان و تورکیا.
لە پاش دەستبەکاربوونی وەک وەزیری دەرەوەی تورکیا، ئەمە یەکەمین سەردانی فەرمی هاکان فیدانە بۆ هەرێمی کوردستان.