پۆڵەتیك پرێس
لە سێ رۆژی جەژنی رەمەزاندا 50 رووداوی هاتووچۆ لە هەرێمی كوردستان روویانداوە و بەوهۆیەشەوە هەشت هاوڵاتی گیانیان لەدەستداوە.
ئەسعەد كەریم، وتەبێژی بەڕێوەبەرایەتی گشتی هاتووچۆی هەرێمى كوردستان بەپۆڵەتیك پرێسی راگەیاند،له سێ رۆژی جه‌ژنی رەمەزاندا 50 رووداوی هاتوچۆ روویانداوه‌و بەهۆی ئەو رووداوانەشەوە هه‌شت هاوڵاتی گیانیان له ده‌ستداوه و 89هاوڵاتی دیكه‌ش برینداربوون.
وتیشی، ئەو رووداوانەی لەڕۆژانی جەژندا روویانداوە 22 رووداویان له پارێزگاری سلێمانی بوون و 10 رووداویشیان له سنوری پارێزگای دهۆك بوون و شه‌ش رووداویشیان له پارێزگای هه‌ولێر تۆماركراون.
هاوكات له ئیداره‌ی گه‌رمیان شه‌ش رووداو و له سنوری سۆران چوار رووداو و له سنوری ئیداریلا راپه‌ڕینیش یه‌ك رووداوی هاتووچۆ تۆماركراون.
بەوتەی وتەبێژی بەڕێوەبەرایەتی گشتیی هاتووچۆی هەرێم زۆرترین رێژەی رووداوەكانی هاتووچۆ لەسنوری پارێزگای سلێمانی بووە و هۆكاری سەرەكی رووداوەكانیش زۆرینەیان پابەند نەبوونی شۆفێران و تیژڕەوی بووە.
قەیوان گروپ
مایۆرکا سیتی جوانییەک لە دڵی سروشتدا
