سامسۆنگ کۆمپیوتەرێکی نوێ دروست دەکات

پۆڵەتیک پرێس

ئیلڤان بلاس بلۆگەری بەناو بانگ ئاشکرای کرد، کۆمپانیای زەبەلاحی سامسۆنگی کۆریای باشور پلانی دروست کردنی کۆمپیوتەرێک دادەنێت لە شێوەی تابلێت، بە نرخێکی گونجاو ناوی دەنێت، Galaxy Tab A7 Lite.

تایبەتمەندیەکانی تابلێتەکەی سامسۆنگ

بەپێی بڵاوکراوەکان خێرایی باتری تابلێتەژە ٥هەزارو ١٠٠ میلی ئەمپێرە، ماوەی ٨ کاتژمێر بە بەردەوامی کار دەکات، لە کاتی بەکارهێنانی ئینتەرنێت سەیر کردنی ڤیدیۆو پەیوەندی کردن دا.

تابلێتەکە کامێرایەکی سەرەکی هەیە، لەگەڵ شاشەی جۆری LCDکە پێوانەکەی ٨.٤ئینجە، چارەسەرەکەری Helio P22Tتێدایە، ڕامەکەی ٣ گێگابایتە.

تابلێتەکە بە ٣ جۆر دروست کراوە، یەکەمیان تەنها بە تۆڕی وای فای گرێدراوە، دووەمیان بە تۆری وای فای فۆر جی گرێدراوە، سێیەمیان، بە تۆڕی وای فای فایڤ جی گرێدراوە، شاشەکەی ١٢.٤ ئینجە، چارەسەرەکەری سناپ دراگۆن ٧٥٠ جی تێدایەو بە سیستمی ئەندرۆید ١١ کاردەکات.