پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزیری تەندروستی عێراق رایگەیاند، لەماوەی ئەمساڵدا بڕی هەشت تۆن ماددەی هۆشبەر و 58 ملیۆن حەبی هۆشبەریان لەناوبردووە.
ساڵح مەهدی حەسناوی، وەزیری تەندروستی عێراق لە بەیاننامەیەکدا ڕایگەیاند،” تەنها لەماوەی ئەمساڵدا نزیکەی هەشت تۆن ماددەی هۆشبەر و 58 ملیۆن حەبی ماددەی هۆشبەر، 31 هەزار ئەمپۆلی ماددەی هۆشبەر و نۆ هەزار کوپ لەناوبراون”.
ڕوونیکردەوە، پرۆسەی لەناوبردنەکە لە سوتێنەری پزیشکی دادوەریدا، کە پلەی گەرمی دەگاتە بەرزترین پلە بۆ سوتانی تەواو ئەنجامدراوە، بەشێوەیەک گەرما دەیتوێنێتەوە و دەیشکێنێت و تایبەتمەندی ماددەی هۆشبەرەکانی لێدەسەنێتەوە.
هاوکات لەماوەی ڕابردوودا وەزارەتی ناوخۆی عێراق ئاشکرایکرد، ئەمساڵ 12 هەزار تۆمەتبار لە دۆسیەی ماددە هۆشبەرەکان دەستگیرکراون و سزایان بەسەردا سەپێنراوە.