پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سوننەكان رێككەوتن لە كۆبوونەوەی سبەی چوارشەممەی ئەنجومەنی نوێنەراندا، بە كۆدەنگی سەرۆكێكی نوێ بۆ ئەنجومەنی نوێنەران دیاری بكەن.
خەمیس خەنجەر، سەرۆكی حیزبی سیادە و محەمەد حەلبوسی، سەرۆكی هاوپەیمانی تەقەدوم بەئامادەبوونی 62 پەرلەمانتاری سوننە كۆبوونەوە.
بەپێی راگەیەنراوی كۆتایی كۆبوونەوەكە، سوننەكان بە رێككەوتن سەرۆكێكی نوێ بۆ ئەنجومەنی نوێنەران دیاری دەكەن و دەیانەوێت بۆشایی لە دەسەڵاتی یاساداناندا دروستنەبێت و داواش دەكەن یاسا گرنگ و هەڵپەسێردراوەكان لە قۆناغی داهاتوودا پەسەند بكرێن.
بەپێی كارنامەی كۆبوونەوەی سبەینێی ئەنجومەنی نوێنەران، هەڵبژاردنی سەرۆكی نوێ و پەسەندكردنی هەمواری یاسای كۆمسیۆنی هەڵبژاردنەكان دوو بڕگەی سەرەكی كۆبوونەوەكەن.