پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزیری پەروەردەی هەرێم رایگەیاند، سبەینێ سێشەممە 14ی ئەیلول، یەكەم رۆژی ساڵی نوێی خوێندنە و ماوەیەكی تایبەت دیاریكراوە بۆ پێداچوونەوە بە وانەكاندا.
ئالان حەمەسەعید، وەزیری پەروەردەی هەرێم رایگەیاند: بۆ پۆلەكانی ( 2_3_4_5_6) لەگەڵ ( 8 و 9 ) و پۆلی (11)، سێ هەفتەی سەرەتای خوێندن دیاریكراوە بۆ پێداچوونەوە.
وتیشی: ئەو وانانەی لەدەستچوون و بابەتەكانیان لەلایەن لیژنەی تایبەتەوە دیاریكراوە و تەنها ئەو بابەتانە پێداچوونەوەی پێدا دەكرێت.
بڕیارە سبەینێ زەنگی ساڵی نوێی خوێندنی 2021_ 2022، لێبدرێت و دەوامی خوێندكاران لە سەرجەم خوێندنگەكاندا دەستپێبكاتەوە بە باخچەكانیشەوە.