ئەمڕۆ ڕێککەوتنەکەی یەکێتی و گۆڕان واژۆ دەکرێت

پۆڵەتیک پرێس

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress 

ئێوارەی ئەمڕۆ ڕێککەوتنی پێکهێنانی هاوپەیمانێتی و بەیەکەوەکارکردنی نێوان یەکێتی نیشتیمانی کوردستان و بزووتنەوەی گۆڕان واژۆ دەکرێت.

واژۆکردنی ڕێککەوتنەکە بە ئامادەبوونی هاوسەرۆکانی یەکێتی و ڕێکخەری گشتی بزووتنەوەی گۆڕان بەڕێوەدەچێت.

دەرباز محەمەد عەلی، ئەندامی خانەی ڕاپەڕاندنی گۆڕان ڕایگەیاند، ” پاش چەندین دانیشتن، کۆبونەوە، راوێژ و گفتوگۆی ناوخۆیی، سەرەنجام لە ٣٠/نیسان/ ٢٠٢١، ھاوپەیمانی کوردستان لەنێوان گۆڕان ویەکێتی لەکۆمسیۆن تۆمار کرا، ئەمرۆ مەراسیمی واژۆی بەشە سیاسیەکەی رێکەوتنەکە دەکەین”.

یەکێتی و گۆڕان پێکەوە بەشداریی هەڵبژاردنەکانی عێراق دەکەن و هاوپەیمانی کوردستانیان پێکهێناوەو لاهور شێخ جەنگی، هاوسەرۆکی یەکێتی، سەرۆکایەتی هاوپەیمانییەکە دەکات.