ڕێککەوتنی نێوان عێراق و لوبنان لەبارەی دابینکردنی نەوت و سووتەمەنی بۆماوەی ساڵێک درێژکرایەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ڕێککەوتنی نێوان عێراق و لوبنان لەبارەی دابینکردنی نەوت لەبەرامبەر خزمەتگوزاری و بەرهەمە بازرگانییەکان بۆماوەی ساڵێک درێژکرایەوە.

ئاژانسی هەواڵی عێراق ئاشکرایکرد، حەیان عەبدولغەنی، وەزیری نەوت و جێگری سەرۆک وەزیرانی عێراق، و وەلید فەیاز، وەزیری وزە و سەرچاوەکانی ئاوی لوبنان، لەشاری بەغدا درێژکردنەوەی ڕێککەوتنەکەیان بۆماوەی ساڵێک واژۆکرد.

بەپێی ڕیککەوتنەکە، عێراق بۆماوەی ساڵێک سووتەمەنی و نەوت بۆ لوبنان دابین دەکات، حەیان عەبدولغەنی باسی لەوەکرد، ھەردوو لایەن کۆمسیۆنی تەکنینکی بەمەبەستی چاودێریکردنی پرسەکانی لوجیستیی لە چوارچێوەی ڕێککەوتنەکەدا کە بۆ ماوەی ساڵێک درێژکراوەتەوە، دادەمەزرێنن.

وەلید فەیاز، وەزیری وزە و سەرچاوەکانی ئاوی لوبنان ڕایگەیاند، “ڕێککەوتنەکە وەک خۆی دەمێنێتەوە و لەجیاتی یەک ملیۆن تۆن، بڕی یەک ملیۆن و 500 هەزار تۆن سووتەمەنی بۆ لوبنان دابیندەکرێت، هەروەها لە عێراقەوە بڕی دوو ملیۆن تۆن نەوتی خاو بۆ دامەزراوەکانی بەرهەمهێنانی کارەبای سەر بە وەزارەتی وزەی لوبنان دابیندەکرێت”.