دەزگای ئاسایش دەستگیركردنی باندێكی ساغكردنەوەی دراوی ساختە ڕادەگەیەنێت

پۆڵەتیك پرێس

هێزەكانی بەڕێوەبەرایەتی ئاسایشی پارێزگای سلێمانی، بەهاوكاری بەڕێوەبەرایەتی ئاسایشی شارەزوور، باندێكی سێ كەسی دەستگیردەكەن كە بەنیازی ساغكردنەوەی دراوی ساختەبوون، هەروەها دەستدەگرن بەسەر بڕێك دراوی دۆلار و دیناری ساختەدا.

دەزگای ئاسایشی هەرێم رایگەیاند: دوای بەدواداچوون و لێكۆڵینەوە لەسەر فەرمانی دادوەر لە ڕۆژی 7_7_2023 باندێكی ساغكردنەوەی دراو كە پێكهاتوون لە ( ژنێك و دووپیاو ) لەناو شاری سلێمانی و هەڵەبجە دەستگیردەكەن بەناوەكانی :
ه ، ق ، ت/ لەدایكبووی ساڵی 1981

ڕ ، ج ، م/ لەدایكبووی ساڵی 1993

خ ، ت ، ح/ لەدایكبووی ساڵی 1967

ئەوەشهاتووە، هەروەها دەستدەگرن بەسەر بڕی ( 3800 ) دۆلاری ساختە لە جۆری پەنجا دۆلاری، و ( 100,000 ) دینار چاپی عێراقی لە جۆری بیست و پێنج هەزار دیناری.

ئاماژە بەوەشكراوە، لە ئێستادا بەپێی ماددەی ( 281 ) لە یاسای سزادان، ڕاگیراون و لێكۆڵینەوە لە دۆسیەكەیان بەردەوامە.