پۆڵەتیک پرێس
هەردوو سەرکردەی پارتەکانی یامینا و یەش ئەتیدی ئیسرائیلی ڕێککەوتوون لەسەر ئەوەی بەرەیەک بۆ پێکهێنانی حکومەتی نوێی وڵاتەکەیان دروست بکەن، بەم ڕێککەوتنەش بنیامین ناتانیاهۆی سەرۆک وەزیران لە دەسەڵات دووردەخرێتەوە.
ئەو هاوپەیمانێتیە نوێیە کە لە پارتی یامینای ڕاستڕەو بە سەرۆکایەتی نافتالی بێنێت و پارتی یەش ئەتید بە سەرۆکایەتی یائر لابید و چەند پارتێکی میانڕەو چەپ و ڕاستڕەو پارتێکی عەرەبی پێکهاتووە، دەسەڵاتی بنیامین ناتانیاهۆ وەک سەرۆک وەزیران کۆتایی پێدەهێنێت.
ڕێککەوتنەکەی ئەو دوو پارتە بەجۆرێکە کە نافتالی بێنێت کە پارتەکەی تەنیا ٧ کورسی لەناو کنێستی ئیسرائیلی هەیە بەڵێنی پێدراوە بۆ ماوەی دوو ساڵ پۆستی سەرۆک وەزیرانی پێبدرێت و دوو ساڵیس یائر لابید سەرۆک وەزیرانی ئیسرائیل بێت.
کۆی ژمارەی کورسییەکانی هاوپەیمانێتیەکە ٦٢ کورسییە و ئەوەش بەسە بۆ ئەوەی زۆرینەی کنێست بەدستبهێنێت و حکومەتی ئەو وڵاتە پێکبهێنێت.
قەیوان گروپ
مایۆرکا سیتی جوانییەک لە دڵی سروشتدا
