پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەمڕۆ دووشەممە یەکەم کاروانی حاجییان بەڕێگەی وشکانی بەرەو خاکی هەرێم بەڕێکەوت.
حكومەتی هەرێمی كوردستان لە راگەیەندراوێكدا ئاماژەی بەوەکرد، گەڕانەوەی حاجیانی هەرێمی كوردستان لە سعودیەوە لە ئەمڕۆوە دەستپێدەكات و 11ی ئەم مانگەش دواین كاروانی حاجیان دەگەڕێنەوە.
وتیشی، ئەو حاجیانەی ئەمڕۆ دەگەڕینەوە ژمارەیان 690 حاجییەو بەڕێگەی وشكانی دەگەڕێنەوە، گەڕانەوەی حاجیانیش بە رێگەی ئاسمانی لە 7 تا 11ی ئەم مانگە دەخایەنێت كە ژمارەیان 3 هەزار و 994 حاجییە.
لەلایەکی دیکەوە، وەزارەتی گواستنەوەی عێراق رایگەیاند، ئەمڕۆ یەكەم كاروانی حاجیان بە رێگەی ئاسمانی دەگەڕێنەوە و سەرەتای هەفتەی داهاتووش گەڕانەوەی ئەو حاجییانە دەستپێدەكات كە بەرێگەی وشكانی دەگەڕێنەوە بۆ عێراق.