خواردنەوەیەک بۆ کەمکردنەوەی پەستانی خوێن

پۆڵەتیک پرێس

شەربەتی تەماتە سودێکی زۆری هەیە بۆ ئەو کەسانەی نەخۆشی پەستانی خوێن و کۆلیستڕۆڵیان هەیە، یارمەتی کەمکردنەوەی پەستانی خوێن و کۆلیستڕۆڵ دەدات بۆ کەمکردنەوەی ئەگەری توشبوون بە نەخۆشییەکانی دڵ.

زانایان ٤٨١ خۆبەخشیان هەڵبژارد بۆ ماوەی ساڵێک شەربەتی تەماتەیان خواردۆتەوە بەبێ خوێ و بە ڕێژەیەکی دیارینەکراو، دوای ئەو ماوەیە ئەنجامەکەی دەرکەوتووە کە پەستانی خوێنیان دابەزیوە بەڕێژەی ٣٪.

زانایان ئەوەشیان خستەڕوو شەربەتی تەماتە ئەگەر خوێی تێبکرێت گاریگەری خراپی دەبێت بەهۆی بەرزی ڕێژەی سۆدیۆم، بۆیە ڕێنمای دەدەن شەربەتی تەماتە بێ زیادکردنی هیچ شتێک بخورێتەوە.