پۆڵەتیک پرێس
سەرۆکی روسیا رایگەیاند، ئەو ڤاکسینەی کە وڵاتەکەی لە سەرەتای مانگی ئابدا بڕیاری بەکارهێنانیدا، ڤاکسینێکی چالاک و بێ مەترسییە.
میدیاکانی روسیا بڵاویانکردەوە، ڤلادیمێر پوتین دڵنیایی داوە لەبارەی ئەوەی یەکەم ڤاکسینی کۆرۆنا لە جیهاندا رەزامەندی حکومەتی بەدەستهێناوە بەجۆرێک کە لەگەڵ یاساکانی روسیادا یەکبگرێتەوە و لەگەڵ تاقیکردنەوە نێودەوڵەتییەکانیشدا بگونجێت.
ئەو قسانەی پوتین لەکاتێکدایە، زۆرێک لە زانایانی جیهان نیگەرانن لەبارەی ئەو تاقیکردنەوە خێرایەی روسیا و رێگری کردنی وڵاتەکە لە بڵاوبوونەوەی هەر زانیارییەک کە چالاکی و کاریگەری ڤاکسینەکە لەسەر توشبوو دەربخات، دەشڵێن: “ئەوە بەزاندنێکی گەورەی پرۆتۆکۆلە زانستییەکانە.”
هاوکات، پوتین لە وەڵامی ئەو نیگەرانییانەدا دەڵێت: “بەپێی ئەو شارەزایەتییەی لە ئەمڕۆدا هەمانە، ئەو ڤاکسینە بەرگری هەمیشەیی دروست دەکات و هیچ مەترسییەکی نییە.”
لەماوەی رابردوودا، کۆمپانیای کانسینۆ بایۆلۆجی چینی، زانکۆی ئۆکسفۆردی بەریتانی و کۆمپانیای ئەسترازینکا لە هەوڵی بەرهەمهێنانی ڤاکسینی کۆرۆنادا بوون، بەڵام بەپێچەوانەی ئەو هەوڵانە، زانایانی روسیا هیچ زانیارییەکیان لەسەر تاقیکردنەوەی پێشوەختەی ڤاکسینەکە لەسەر ئاژەڵان یاخود توێژینەوەی مرۆیی پێشوەختە بڵاونەکردەوە.
قەیوان گروپ
مایۆرکا سیتی جوانییەک لە دڵی سروشتدا
