پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سوپای عێراق و ھێزێکی پێشمەرگە لە گوندێکی سنوری مەخموور چەکدارانی داعشیان گەمارۆداوە و خێزانێکی کوردیشیان لە دەستی داعش رزگارکرد.
غازی فەیسەڵ فەرماندەی خۆبەخش لە ھێزی پێشمەرگە لە سنوری مەخمور رایگەیاند، شەوی رابردوو لە نێوان گوندی عەلیەڕەش و دووسەرە لەدەشتی قەراجی سەر بە مەخموور، شەڕ لەنێوان سوپای عێراق و داعش روویدا، چەکدارانی داعش لە گوندێکی دەشتی قەراج لەلایەن ھێزێکی پێشمەرگە و سوپای عێراقەوە گەمارۆدران، ھاوپەیمانانیش بە فڕۆکە بە ئاسمانی ناوچەکەدا دەسوڕێنەوە.
وتیشی، لە ئەنجامی شەڕ و پێکدادانەکەدا سەربازێکی سوپای عێراق کوژراوە و دوو سەربازی تریش برینداربوون، بەپێی زانیارییەکان داعشێکیش کوژراوە.
راشیگەیاند، لەلایەن ھێزی پێشمەرگە و سوپای عێراق خێزانێکی کورد لە دەستی تیرۆریستان رزگارکران، کە لە گوندی کۆڵتەپە لەلایەن تیرۆریستانەوە گەمارۆدرابوون.
قەیوان گروپ
مایۆرکا سیتی جوانییەک لە دڵی سروشتدا
