سلێمانی وەك پاكترین شار لە عێراق دەستنیشان دەكرێت

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

تەندروستی عێراق رایدەگەیەنێت، بەپێی ئامارەكانی توشبوانی تای خوێنبەربوون، سلێمانی پاكترین پارێزگا و زیقار پیسترین پارێزگای عێراقە.

وەزارەتی تەندروستی عێراق رایگەیاند : بەپێی نوێترین ئاماری تووشبوانی تای خوێنبەربوون، لەسەرانسەری عێراقدا 289كەس تووشی تای خوێنبەربوون، بوون و لەو ژمارەیەش 41كەس گیانیان لەدەستداوە.

ئاماژەی بەوەشداوە، بەپێی ئەو ئامارەی تا ئێستا تۆماركراوە رێژەكە دەگاتە 14% .

ئەوەشی خستۆتەڕوو، لە پارێزگای زیقار 73كەس توشبوون و لەو ژمارەیەش پێنج كەسیان گیانیان لەدەستداوە و لە پارێزگای ئەنباریش چوار كەس تووشبوون.

وەزارەرتی تەندروستی عێراق هێمای بەوەشكرد، پارێزگای سلێمانی تاكە پارێزگایە كە پاكترین پارێزگایە و تائێستا هیچ تووشبوویەكی نییە.

هەرچی تایبەتە بە پارێزگای بەغدا تائێستا، 31كەس توشبون‌و پێنج كەسیان گیانیان لەدەستداوە، لە بەسرەش 47كەس توشبوون وحەوت كەس گیانی لەدەستداوە.