پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەمڕۆ شەممە نێچیرڤان بارزانی، سەرۆکی هەرێمی کورستان سەردانی بەغدا دەکات و لەگەڵ چوار سەرۆکایەتییەکەی عێراقدا کۆدەبێتەوە.
بڕیارە لە سەردانەکەیدا نێچیرڤان بارزانی بەشداری لە دوو ڕێوڕەسمی جیادا بکات کە یەکێکیان ڕێوڕەسمی تایبەت بە 42 ساڵەی دامەزراندنی ڕێکخراوی بەدر و ڕێوڕەسمی تایبەت بە ساڵیادی تیرۆرکردنی محەمەد باقر سەدرە.
هاوکات، بڕیارە نێچیرڤان بارزانی چاوی بە هەریەکە لە محەمەد شیاع سودانی، سەرۆک وەزیران، د.لەتیف رەشید، سەرۆک کۆمار، محەمەد حەلبوسی سەرۆکی پەرلەمان و فایەق زەیدان، سەرۆکی ئەنجومەنی باڵای دادوەری عێراق بکەوێت و لەگەڵیاندا کۆببێتەوە.
کۆتا جار کە نێچیرڤان بارزانی سەردانی بەغدای کرد ڕۆژی 21ی کانوونی دووەمی ئەمساڵ بوو کە تێیدا لەگەڵ بەرپرسانی باڵای عێراق چەند کۆبوونەوەیەکی ئەنجامدا.