پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
پارێزگاری هەولێر رایگەیاند: لە سێ شوێنی جیاواز، شوێنی حەوانەمان بۆ زیارەتكارانی شیعە مەزهەب ئامادە كردووە كە لە وڵاتی ئێرانەوە بۆ بەشداری لە چلەی ئیمام حسێن سەردانی شوێنە پیرۆزەكانی عێراق دەكەن.
ئومێد خۆشناو، پارێزگاری هەولێر رایگەیاند: لە شارەدێی حاجی ئۆمەران، لە سۆران و شاری هەولێر شوێنی حەوانەوە بۆ زیارەتكارانی شیعە ئامادەكراوە، جگە لە شوێنی حەوانەوە، خواردنەوە (چا، شەربەت و قاوە) بێبەرامبەرە.
ئومێد خۆشناو وتی: سبەی خۆم سەردانی دەروازەی نێودەوڵەتیی حاجی ئۆمەران دەكەم و پارێزگاری ورمێش ئامادە دەبێت و لە رێورەسمێكدا پێشوازیی لە زیارەتكاران دەكەین كە رۆژانە 20-25 هەزار كەس لە دەروازەكە دەپەڕنەوە بۆ هەرێمی كوردستان و دواتر بۆ كەربەلا بەڕێدەكرێن.
ئەمە یەكەمجارە لە دەروازەی نێودەوڵەتییەكانی باشماخ و حاجی ئۆمەرانەوە زیارەتكاران بۆ بەشداری لە چلەی ماتەمینی ئیمام حسێن دێنە ناو خاكی هەرێمی كوردستانەوە.