پۆڵەتیک پرێس
ئەمڕۆ چوارشەممە 30ی ئادار، پەرلەمانی عێراق بۆ جاری دووەم دانیشتن دەکات بۆ هەڵبژاردنی سەرۆک کۆمار.
بەپێی ئەو کاربەرنامەیەی پەرلەمانی عێراق بڵاو کراوەتەوە، ئەمڕۆ بۆ جاری دووەم کاتژمێر 11 ی پێشنیوەڕۆ، کۆ دەبنەوە، بۆ بڕیاردان لەسەر هەڵبژاردنی سەرۆک کۆمار و دیاریکردنی لیژنە هەمیشەییەکان.
هاوکات ڕۆژی شەممەی ڕابردوو، بەهۆی نەبوونی نیسابی یاسایی نەتوانرا سەرۆک کۆمار هەڵبژێردرێت و کۆبوونەوەی پەرلەمان بۆ ئەمڕۆ دواخرا، لە لێدوانێکیشدا هەرێم کەمال ئاغا سەرۆکی فراکسیۆنی یەکێتی لە پەرلەمانی عێراق ئاماژەی بەوەدا، هیچ گۆڕانکارییەک نیەو ڕەنگە بە کۆبوونەوەکە هەمان شێوەی ڕۆژی شەممە بێت.