زێت تی ئی مۆبایلێکی نوێ دروست دەکات

پۆڵەتیک پرێس

کۆمپانیای زێت تی ئی خۆی ئامادە دەکات بۆ دروستکردنی کۆمەڵێک مۆبایلی نوێ یەکێک لەوانە ئەکسۆن30، بڕیارە مۆبایلەکە بە دوو نموونە بەردەست بێت ئەکسۆن30 پڕۆ و ئەکسۆن 30 ئاڵترا.

تایبەتمەندیەکانی مۆبایلی ئەکسۆن30 پڕۆ، کێشەکەی 186 گرامە، دوووریەکانی(7.9/75.3/163.6) ملیمە، شاشەکەی لەجۆری ئۆلیدە بەقەبارەی 6.67 ئینج و دیقەی پیشاندانی 2400/1080 پێکسڵ و شەپۆلی 120 هێرتز، چارەسەرکەری کوالکۆم سناپ دراگۆن و چارەسەرکەری وێنەی ئەدرینۆ660ی تێدابەکارهاتووە.

ڕامەکەی دوو جۆرە شەش یان هەشت گێگابایتە، میمۆریەکەشی دوو جۆرە 128 یان 256 گێگابایتە، مۆبایلەکە چوار کامێرای بنەڕەتی بەدیقەی(64+64+5+2) مێگاپێکسڵ هەیە، دیقەی کامێرا سێڵفیەکەی 16 مێگاپێکسڵە، بە سیستمی ئەندرۆید11 کاردەکات، خێرای پاتریەکەی 4200 میلی ئەمپێرە، مۆبایلەکە بە ڕەنگەکانی ڕەش و پەمەی بەردەست دەبێت.