پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەڕێوەبەری ناحیەی هەڵشۆ دەڵێت، تا ئێستا ناسنامەی ئەو چوار كەسە دیار نیە كە لە رێگای فڕۆكەوە كرانە ئامانج و شەهید كران، بە مەبەستی لێكۆڵینەوە لە ناسنامەكانیان رەوانەی پزیشكی دادی قەڵادزە كراون.
بەكر وەیسی، بەڕێوەبەری ناحیەی هەڵشۆ بە پۆڵەتیك پرێسی راگەیاند: تا ئێستا ناسنامەی ئەو چوار كەسە ئاشكرانەبووە كە لە رێگای فڕۆكەوە بە ئامانج گیران و هەر چواریان شەهید بوون، چونكە لە ناو ئۆتۆمبیلەكەیاندا سووتاون.
بەڕێوەبەری ناحیەی هەڵشۆ وتی: فڕۆكەی یەكێك لە وڵاتانی دراوسێ بۆردومانی ئەو ئۆتۆمبیلەی كردووە بەڵام جارێ نازانین فڕۆکەی چ وڵاتێک بووە.
باسی لەوەشكرد، بۆ لێكۆڵینەوەی زیاتر تەرمەكان رەوانەی پزیشكی دادی قەڵادزە كراون.
پاش نیوەڕۆی ئەمڕۆ یەك شەممە، لە نێوان هەردوو گوندی گیرە و كانی لانی سەر بە شارۆچكەی پشدەر ئۆتۆمبێلێك لەلایەن فڕۆكەی جەنگییەوە بە ئامانج گیرا و بووبەهۆی شەهیدبوونی چوار كەس.
قەیوان گروپ
مایۆرکا سیتی جوانییەک لە دڵی سروشتدا
