پۆڵه‌تیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
به‌گوێره‌ى زانیارییه‌كانى په‌یامنێرى پۆڵه‌تیك پرێس له شارى هه‌ولێر ئاو چووه‌ته ناو چه‌ندین دووكان و زیانى ماددى به دووكانداره‌كانى بازاڕى ته‌یراوا گه‌یاندووه.
دووكانداره‌كان ده‌ڵێن، هه‌ر باران ببارێت ئاوده‌چێته ناو دووكانه‌كانیان و زیانێكى زۆریان به‌رده‌كه‌وێت.
هاوكات له شارى دهۆك به‌هۆى بارانى به‌خۆڕه‌وه لافاوێكى زۆر دروستبووه، وێڕاى ئه‌وه‌ى دووكه‌س لافاو بردوونى گیانیان له‌ده‌ستداوه، ئاو چووه‌ته زیاتر له 100 ماڵیش .
به‌رگرى شارستانى دهۆك رایگه‌یاند: جگه له گیانله‌ده‌ستدانى دوو كه‌س، نزیكه‌ى 100 ماڵ و هه‌روه‌ها 15 ئۆتۆمبیل به‌ر لافاو كه‌وتوون.
له‌لایه‌كى دیكه‌وه به‌هۆى ناجێگیرى كه‌ش و هه‌واو به‌هۆى ئه‌و پێشبینییانه‌ى كه‌شناسه‌كان ده‌یكه‌ن، خاوه‌ن پێشانگاكانى ئۆتۆمبیل هه‌ستان به داپۆشینى ئۆتۆمبیلى ناو پێشانگاكانیان بۆئه‌وه‌ى تووشى زیان نه‌بن.
خاوه‌ن پێشانگایه‌ك به‌پۆڵه‌تیك پرێسى راگه‌یاند: ئه‌گه‌ربێت و ئۆتۆمبیله‌كان دانه‌پۆشین تووشى زیانێكى زۆرده‌بینه‌وه، چونكه ئه‌گه‌ر ته‌رزه له ئۆتۆمبیلێك بدات نرخى ئه‌و ئۆتۆبیله 2000 دۆلار به‌كه‌متر له نرخى هه‌مان ئۆتۆمبیل كه ته‌رزه لێى نه‌داوه ده‌فرۆشرێت.
قەیوان گروپ
مایۆرکا سیتی جوانییەک لە دڵی سروشتدا
