پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەنجوومەنی باڵای دادوەریی عێراق رەزامەندیدا لەسەر وەرگرتنی شایەتیدان لە دادگاکانی تێهەڵچوونەوە بەشێوەی ئۆنلاین بەکارهێنانی ڤیدیۆ کۆنفرانس.
لە نووسراوێکدا کە واژۆی فایەق زێدان، سەرۆکی ئەنجوومەنی باڵای دادوەریی عێراقی لەسەرە و ئاراستەی سەرۆکایەتییەکانی داواکاری گشتی و دادگاکانی تێهەڵچوونەوەی کردووە، جەختی لەسەر دەربڕینی رەزامەندی ئەنجوومەنەکەیان کردووەتەوە بۆ رێگەپیدان بە وەرگرتنی شایەتیدان بەشێوەی ئۆنلاین.
لە نووسراوەکەدا جەخت لەسەر ئەوەشکراوەتەوە، سەرەتای ئەو پرۆسەیە بەشێوەی ئەزموونی لە سەرۆکایەتی دادگاکانی تێهەڵچوونەوەی پارێزگاکانی نەینەوا، بابل، زیقار و بەسرە بەکاردەهێندرێت.
لەبارەی هۆکاری دەرکردنی ئەو بڕیارە، ئەنجوومەنی باڵای دادوەریی عێراق روونیکردووەتەوە، بە لەبەرچاوگرتنی پێویستی خۆگونجاندنی دەسەڵاتی دادوەری لەگەڵ پێشکەوتنە ئەلیکترۆنییەکان و رەخساندنی پێوەرە نێودەوڵەتییەکان لە بەڕێوەچوونی دانیشتنەکانی دادگا کە رۆڵی دەبێت لە یەکلاییکردنەوەی دۆسییەکان بەشێوەیەکی خێراتر، ئەو بڕیارەیانداوە.
قەیوان گروپ
مایۆرکا سیتی جوانییەک لە دڵی سروشتدا
