پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
لەتیف ڕەشید سەرۆک کۆماری عێراق و مەسعود بارزانی سەرۆکی پارتی دیموکراتی کوردستان لە پیرمام کۆبوونەوە.
ئەمڕۆ سێشەممە دوای ئەوەی سەرۆک کۆماری عێراق گەیشتە هەولێر سەردانی پیرمامی کرد و لەوێ لەگەڵ سەرۆکی پارتی کۆبووەوە.
لە میانی کۆبوونەوەکەدا هەردوولا پشتیوانی خۆیان بە حکومەتی عێراق و جێبەجێکردنی بەرنامەی حکومەت دووپاتکردەوە.
لایخۆیەوە بارەگای بارزانی لەبارەی کۆبوونەوەکە ئاماژەی بەوەکرد، “پێویستە گرفتەکان دوور لە زمانی هەڕەشە و لەسەر بنەمای دیالۆگ چارەسەر بکرێن”.
بەیانی ئەمڕۆ لەتیف ڕەشید بە سەردانێکی فەرمی گەیشتە هەولێر و لەلایەن نێچیرڤان بارزانی سەرۆکی هەرێمی کوردستانەوە پێشوازیلێکرا.