پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزیری هەماهەنگی و پەرەپێدانی بازرگانی نایزەرلاند(هۆڵەندا) بەسەردانێك گەیشتە هەرێمی كوردستان و لە دانیشتنێكدا لەگەڵ كەمال موسلیم وەزیری بازرگانی هەرێمی كوردستان باس لە پێشخستن و پەرەپێدانی بارزگانی لەنێوان هەردولادا كرا.
بە گوێرەی راگەیەندراوێكی وەزارەتی بازرگانی و پیشەسازی هەرێم، رۆژی چوارشەممە كەمال موسلیم وەزیری بازرگانی و پیشەسازی لە فڕۆكەخانەی نێودەوڵەتی هەولێر پێشوازی لە لیشا شراین ماخر وەزیری هەماهەنگی و پەرەپێدانی بازرگانی نایزەرلاند كرد و پاشان لە دانیشتنێكدا بە وردی باس لەپێشخستن و پەرەپێدانی بارزگانی لەنێوان هەردولادا كرا.
لای خۆیەوە وەزیری بازرگانی نایزەرلاند لە دانیشتنەكەدا ئاماژەیان بە ئامانجی سەردانەكەیان كرد، كە بەمەبەستی پتەوكردنی پەیوەندییەكانیانە لەگەڵ هەرێمی كوردستان لەڕوی بازرگانیەوە و هەروەها چەند دیدارو كۆبونەوەیەك لەگەڵ خاوەن كارو سەرمایەداری ناوخۆیی.
ئەوەشخراوەتەڕوو، ئەم دیدارو سەردانانە لەگەڵ هەرێمی كوردستان و بەتایبەت وەزارەتی بازرگانی و پیشەسازی، هۆكارێكی گرنگە بۆ پێشخستنی بازرگانی لەهەرێم و هاوكاری بوژاندنەوەی زیاتر ژێرخانی ئابوری هەرێم دەدات.