پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
قوباد تاڵەبانی جێگری سەرۆكی ئەنجومەنی وەزیران بەبۆنەی رۆژی جیهانی خاوەن پێداویستییە تایبەتەكانەوە پەیامێكی بڵاوكردەوە و دەڵێت، دووپاتی دەكەینەوە كە هیچ ئاستەنگێك نابێتە رێگر لەبەردەم ئیرادە و خواستی ئێوەدا، تەنیا دەبێ لێتان تێبگەین و دەرگاكان زیاتر بەڕووتاندا واڵا بكەین.
دەقی پەیامەكە:
بەڕێزان ئەنجومەنی خاوەن پێداویستییە تایبەتەكان
بەبۆنەی رۆژی جیهانی خاوەن پێداویستی تایبەتەكانەوە، گەرمترین پیرۆزبایی لەئێوە و هەموو خاوەن پێداویستیە تایبەتەكان دەكەم.
ئێوەی بوێر و پڕ هیوا بۆ ژیان واتانكردوە توێژێكی خۆشەویست و رێزلێگیراوی كۆمەڵی كوردەواری بن, لەم ساڵیادەدا دووپاتی دەكەینەوە كە هیچ ئاستەنگێك نابێتە رێگر لەبەردەم ئیرادە و خواستی ئێوەدا، تەنیا دەبێ لێتان تێبگەین و دەرگاكان زیاتر بەڕووتاندا واڵا بكەین، چونكە باوەڕی تەواومان بەوە هەیە كە هەمووان یەكسانین لەماف و ئەركەكاندا.
بە ئەوپەڕی توانامانەوە پشتگیری و پشتیوانتان دەبین بۆ بەدیهێنانی داخوازی و ئامانجەكانتان.
قوباد تاڵەبانی
جێگری سەرۆكی ئەنجومەنی وەزیران