پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
قوباد تاڵەبانی، جێگری سەرۆکی ئەنجوومەنی وەزیران، پرسەنامەیەک ئاراستەی خانەوانەی کۆچکردوو خاتوو گوڵالە حاجی ئەحمەد کەریم دەکات.
دەقی پرسەنامەکەی قوباد تاڵەبانی، جێگری سەرۆکی ئەنجوومەنی وەزیرانی هەرێم:
بەڕێزان خێزان و خانەوادەی کۆچکردوو خاتوو گوڵاڵە حاجی ئەحمەد کەریم
برای بەڕێزم کاک حەمە تۆفیق گەڵاڵی
بەداخ و پەژارەیەکی زۆرەوە هەواڵی کۆچی دوایی خاتوو (گوڵاڵە حاجی ئەحمەد کەریم) خوشکی شەهید تایەر و شەهید زایەر گەڵالی و خوشکی کاک حەمە تۆفیق و کاک حەمە رەشید-م بیست.
کۆچکردوو خاتوو (گوڵاڵە) خانمێکی نیشتمانپەروەر و ماندوونەناس بوو، لە بنەماڵەیەکی تێکۆشەری گەلەکەمانە کە چەندین قوربانییان لەو پێناوەدا داوە. بەم بۆنە غەمناکەوە پرسە و سەرەخۆشی ئاڕاستەی کەسوکار و بنەماڵە کوردپەروەرەکەتان دەکەم و هاوبەشی خەم و پەژارەتانم.
خوای گەورە لەکۆچکردوو خۆش بێت و جێگای بەهەشت بێت، سەبوری و دڵنەواییش بەهەموو لایەک ببەخشێت.
انا لله و انا الیه راجعون
قوباد تاڵەبانی
جێگری سەرۆکی ئەنجومەنی وەزیران