کەشناسی سلێمانی: لە کاتی بەرزبوونەوەی پلەکانی گەرما ئەم رێنماییانە جێبەجێ بکەن

لە رێنماییەکانی بەڕێوەبەرایەتی کەشناسی و بومەلەرزەزانی سلێمانی دا هاتووە، کە نابێت بە هیچ شێوەیەک منداڵان لەناو ئۆتۆمبێل بەجێبهێڵدرێت و دەبێت لەکاتی خەوتندا پەردەکوللەیان بۆ بەکاربهێندرێت.

رێنماییەکانی بەڕێوەبەرایەتی کەشناسی و بومەلەرزەزانی سلێمانی:

1- لەبەرکردنی جل و بەرگێک کە لە لۆکە دروست کرابێت و فراوان بێت و رەنگی کراوەبێت بەتایبەتی رەنگی سپی

2- خۆپاراستن لە بەرکەوتنی تیشکی خۆر لەکاتژمێر 11ـی بەیانی بۆ 4ـی دوای نیوەڕۆ یان بەکارهێنانی چەتر و شەبقە و کرێمی دژەخۆر.

3- خواردنەوەی بڕێکی باش لە ئاو بەشێوەیەکی رێک، هەروەها خواردنی زەڵاتەی سەوزە و خەیار و شوتی و دوورکەوتنەوە لە خواردنەوەی گەرم و خواردنی چەور و قورس.

4- حەمام کردن بە ئاوی سارد

5- دوورکەوتنەوەی ئافرەتان لە بەکارهێنانی بابەتی جوانکاری دەم و چاو.